Шымкентте бірдей нөмірмен жүрген екі көлік анықталды
Қала жолдарында бірдей нөмір таққан екі Toyota Camry жүрген.
Шымкентте ЖБО камералары «егіз» көліктерді анықтады, деп хабарлады turkystan.kz.
Бейнебақылау инспекторлары қала жолдарында бірдей нөмір таққан екі Toyota Camry байқады. Оларды ұстап, мән-жайды анықтау үшін патрульдік полиция экипаждары бағытталды.
Құқық бұзушы тек көлігінен ғана емес, жүргізуші куәлігінен де айырылды. Жалған нөмірлі машинаны тізгіндегені үшін енді ер адамның бір жыл бойы көлік басқаруға құқығы жоқ.