Екібастұз жылу электр станциясын жөндеуге бөлінген ақша ұрланған
Расталмаған жұмыстардың көлемі шамамен 1 млрд теңгені құрады.
Екібастұздағы 2-ші мемлекеттік аймақтық электр станциясын (Екібастұз МАЭС-2) жөндеуге бөлінген 1 млрд теңге қаражат жымқырылған. Бұл жайлы Павлодар облысының прокуратурасы хабарлады.
Прокуратураның хабарлауынша, ҚР Қылмыстық кодексінің 189-бабы (аса ірі мөлшерде мүлікті жымқыру) бойынша сотқа дейінгі тергеп-тексеру басталған. Тергеу шеңберінде қылмыстың барлық мән-жайлары мен залалдың түпкілікті сомасы және оған қатысы бар адамдар тобын анықтауға бағытталған тергеу шаралары жүргізіледі.