Қазақстанда орташа жалақы өсті
Жалақының орташа мәні 2023 жылғы IV тоқсанда 393 605 теңгені құрады.
Ұлттық статистика бюросының мәліметінше, Қазақстанда атаулы жалақының орташа мәні 2023 жылғы IV тоқсанда 393 605 теңгені құрады.
Яғни 2022 жылдың тиісті тоқсанына қарағанда өсім 16,2%-ды, нақты мәнде 5,3%-ға өсті. Жалақының медианалық мәні (жалақы қатарының орталық деңгейі) 2023 жылғы IV тоқсанда бағалау бойынша 259 463 теңгені құрады. 4-тоқсанда орташа жалақы мөлшерінің өсуі жыл қорытындысы бойынша қосымша төлемдер мен мерекелік сыйақылар есебінен еңбекақы қорының ұлғаюымен байланысты.
Өңірлік бөліністе 2022 жылғы тиісті тоқсанмен салыстырғанда орташа айлық атаулы жалақының ең жоғары өсімі Ұлытау облысында тіркелді – 23,5%-ға. Ең төменгі өсімі Атырау облысында байқалды – 6,4%-ға.
Өңірлер арасындағы орташа айлық номиналды жалақының ең жоғары және ең төменгі мәндері арасындағы арақатынас 2023 жылғы IV тоқсанда 2,1 есе болды