Алматыда қызды тұрғын үйдің кіреберісінде атып кеткен, деп хабарлады turkystan.kz Tengrinews.kz сайтына сілтеме жасап.

Оқиға орнынан түсірілген видео әлеуметтік желілерде пайда болды. Кадрларда оқиға орнында полиция қызметкерлерінің жұмыс істеп жатқаны, сонымен қатар жедел жәрдем көлігі тұрғаны көрінеді.

Видео сипаттамасында ірі кәсіпкердің бұған дейін бұрынғы сүйіктісінің интим видеосын таратқаны үшін ұсталғаны айтылған. Осыдан кейін кәсіпкердің тапсырысымен аталған мекенжайға белгісіз ер адам келіп, қызды екі рет атып өлтірген.

Алматы Полиция департаменті мәліметінше, бұл қылмыс ізін суытпай ашылған.

Полиция ҚР Қылмыстық-процестік кодексінің 201-бабына сілтеме жасап, зардап шеккен қыздың жағдайын және оқиғаның қандай бап бойынша тергеліп жатқанын нақтыламай отыр.