Атырау облысында Мақат ауданы әкімдігі мен жер қатынастары басқармасының жауапты қызметкерлері мемлекеттік жерді заңсыз бергені үшін жазаланды, деп хабарлады turkystan.kz.

Мақат ауданының Жер қатынастары, сәулет және қала құрылысы бөлімінің қызметінде жүргізілген тексеріспен мемлекеттік қызмет көрсету, міндетті конкурстық рәсімдерді елемеу және аудан әкімдігінің лауазымды тұлғаларының құзыретіне кірмейтін шешімдер қабылдау кезінде елеулі бұзушылықтар анықталды.

Сонымен қатар аудан әкімінің орынбасарларының бірі бюджетке тиісті жер учаскесін кәсіпкерге тегін берген.

Прокурорлық қадағалау актісінің қаралу нәтижесімен аудан әкімінің екі орынбасары тәртіптік жауапкершілікке тартылса, Жер қатынастары, сәулет және қала құрылысы бөлімінің басшысы ӘҚБтК 137-бабының 1-бөлігі бойынша әкімшілік жауаптылыққа тартылды.