Майқайың кенішіндегі апат: Полиция қылмыстық істі тергеп жатыр
Тергеу Бас прокуратураның бақылауында.
Қылмыстық істі тергеу шеңберінде кәсіпорынның 40-тан астам қызметкерінен, сондай-ақ ЖШС басшылығынан жауап алынды. Іс бойынша процессуалды прокурорлар тағайындалды.
Павлодар облысы полиция департаментінің тергеу басқармасы осы жылдың 4 қаңтарында Баянауыл ауданы Майқайың кентіндегі «Майқайыңалтын» АҚ аумағында болған оқиға фактісі бойынша Қылмыстық кодекстің 277-бабы 3-бөлігі (тау-кен немесе құрылыс жұмыстарын жүргізу кезінде қауіпсіздік ережелерін бұзу) бойынша қылмыстық істі тергеу үстінде.
Қылмыстық іс бойынша жолдың опырылып құлау себептерін анықтау үшін еліміздің түрлі аймақтарынан тау-кен-құрылыс жұмыстары саласының мамандарын тарта отырып, бірқатар сараптама тағайындалған.
Тергеу Бас прокуратураның бақылауында.