Жер сілкінісі кезінде не істеу керек?

Мамандар зілзала кезінде жасау керек тиісті амалдарды айтып берді.

Алматы облысының Төтенше жағдайлар департаменті жер сілкінісі кезіндегі іс-қимыл тәртібін еске салды.

Жер сілкінісі кезінде мына амалдарды орындау керек:

- ғимараттан шығыңыз (сізде 15-20 секунд уақыт болады);

- егер сіз жоғарғы қабатта болсаңыз, кіреберіс есіктің саңылауында тұрыңыз немесе балаларды құшақтап, негізгі қабырғалардың бұрышына отырыңыз;

- ешбір жағдайда терезенің жанында тұрмаңыз және балконнан секірмеңіз.

- сыртта жүрсеңіз, ғимараттардан, құрылыстардан, бағаналардан және қоршаулардан алыс болыңыз;

- үйге кірмеңіз: жер сілкінісі қайталануы мүмкін;

- лифттерді пайдаланбаңыз;

- сіріңке, шам жақпаңыз:

- сымдарды ұстамаңыз;

- зардап шеккендерге алғашқы медициналық көмек көрсетіңіз.