Ұлттық ғылым академиясының президенті тағайындалды
Бұл туралы Ақорданың баспасөз қызметі мәлім етті.
Ақылбек Күрішбаев Ұлттық ғылым академиясының президенті болды.
Ақылбек Күрішбаев 1961 жылы 13 сәуірде Алматыда дүниеге келген. Қазақ ауыл шаруашылығы институтын бітірген.
Еңбек жолын Талғар ауданаралық арнайы шаруашылық бірлестігінде комбайншының көмекшісі болып бастаған.
Әр жылдары А.И. Бараев атындағы Қазақ астық шаруашылығы ғылыми-зерттеу институтының директоры, ауыл шаруашылығы вице-министрі, Ауыл шаруашылығы министрлігі Ғылым департаментінің директоры, ауыл шаруашылығы министрі, Сәкен Сейфуллин атындағы Қазақ агротехникалық университетінің (ҚазАТУ) ректоры қызметтерін атқарды.