Ертіс өзенінде су көтеріліп, 11 адам эвакуацияланды

Төтенше жағдайлар департаментінің күшімен өзен арнасына 5 850 текше метр су қайта жіберілді

Түнде Бейбітшілік аралынан 11 адам (7 ересек, 3 бала) эвакуацияланды. Олар Семей қонақ үйіне орналастырылды, деп хабарлады turkystan.kz Абай облысы әкімдігінің баспасөз қызметіне сілтеме жасап.

Мәлімет бойыншах үй жануарлары қауіпсіз жерге жеткізілді. Эвакуацияланған адамдарға ыстық тамақ берілді. Қазіргі уақытта эвакуацияланған отбасылар үйіне қайтты.

Қазіргі уақытта су деңгейі төмендеп, тұрғын үйлерді су басу қаупі жоқ. Әр сағат сайын учаскелерді аралау (Бейбітшілік аралы, Д/М.Бобровка) және су деңгейіне мониторинг жүргізіледі. Су деңгейін өлшеу әр 2 сағат сайын жүргізіледі, - дейді Абай облысы әкімдігінің баспасөз қызметі.

2024 жылғы 21 қаңтарда сағат 10:00-де Семейдегі Ертіс өзенінің су деңгейі 457 сантиметр болды.

Төтенше жағдайлар департаментінің қызметкерлері жергілікті атқарушы орган және ҚР ТЖМ 68303 ә/б Бейбітшілік аралы тұрғындарының қауіпсіздігін қамтамасыз ету мақсатында 21 қаңтарға қараған түні бөгет салып, өзен арнасына су бұру үшін жол төсемін ашу сияқты инженерлік жұмыстар жүргізді, - делінген хабарламада.

Төтенше жағдайлар департаментінің күшімен өзен арнасына 5 850 текше метр су қайта жіберілді.