Жаһан

Израильдің Сирияға жасаған шабуылынан Иран генералы қаза болды

Бұл арнайы күштердің барлау қызметінің командирі генерал болған Юсеф Омид Заде

Израильдің Дамаскіге жасаған әуе шабуылынан Иран генералы мен Ислам революциясының сақшылар корпусының тағы 3 әскери кеңесшісі қаза тапты, деп хабарлады turkystan.kz inbusiness.kz сайтына сілтеме жасап.

Сенбі күні Иран Ислам революциясының сақшылар корпусының мүшесі Израильдің Сирия астанасына жасаған шабуылы салдарынан қайтыс болды.

Mehr Иран ақпараттық агенттігінің мәліметінше, бұл арнайы күштердің барлау қызметінің командирі генерал Юсеф Омид Заде.

Зымыран шабуылдары Иран әскери кеңесшілері тұратын ел астанасының батысындағы Меззе ауданындағы үйлердің біріне жасалған. Генералдан бөлек тағы бірнеше ирандық офицер, сонымен қатар Сирия әскери күштері де қаза тапты. Олардың нақты саны көрсетілмеген.

Ислам революциясының сақшылар корпусы 4 әскери кеңесшісінің қаза тапқанын растады.