Алматы тауларында блок-бекет қойылды
Синоптиктер ескерту жариялады
Алматы тауларында қар көшкіні жүру қаупі бар.
Алматы Төтенше жағдайлар департаменті қаңтарда қар жамылғысының тұрақсыз жағдайына байланысты қар көшкіні жүру қаупі бар екенін мәлімдеді.
Қар көшкіні кезеңінің басталғаннан бері жолдардың бұрын жабылған учаскелерінде және жету қиын жерлерде жалпы көлемі шамамен 27 мың текше метр болатын 23-тен аса өздігінен қар көшкінінің түсу жағдайы болды. Көшкіннің басым бөлігі өту қиын аймақтарда болып, тау беткейлерінде тоқтаған, зардап шеккендер жоқ.
Өз кезегінде қар көшкінін алдын алу үш рет жүргізілген, жарылғыш әдіспен жеті мың текше метрден аса қар массасы шығарылды.