Алматы әуежайының жаңа терминалы қашан ашылады?

Жаңа терминал биылғы маусымда ашылады деп жоспарланып отыр.

Премьер-министр Әлихан Смайылов пен TAV Airports Holding компаниясының президенті Серкан Каптан Алматы әуежайының жаңа халықаралық терминалының құрылысын және елімізде өзге де инфрақұрылымдық жобаларды іске асыру мәселелерін талқылады.

Бұл туралы Үкіметтің баспасөз қызметі хабарлады.

Үкімет еліміздің көлік-логистика әлеуетін арттыруға үлкен көңіл бөледі. Сондықтан Алматыда жаңа халықаралық терминал құрылысы сынды үлкен жобаны жүзеге асыру стартегиялық маңызға ие.

«Оның ашылуы жолаушылар ағынын арттырып, ұшу географиясын кеңейтеді және мегаполис тұрғындары мен қонақтарына сапалы қызмет пен жайлылықтың жоғары деңгейін қамтамасыз етеді деп күтеміз», — деді Әлихан Смайылов.

TAV Airports Holding басшысы жобаны іске асыру барысы жөнінде жаңа мәліметтерді жариялады. Бүгінде құрылыс жұмыстары 87%-ға аяқталған. Жаңа терминал биылғы маусымда ашылады деп жоспарланып отыр.