Қайрат Сатыбалдыға қатысты тағы бір іс тергеліп жатыр – Антикор
Ол салықтан жалтарды деген күдікке ілінген.
2023 жылдың 10 айдың қорытындысы бойынша Қайрат Сатыбалды мемлекетке 650 миллиард теңгенің мүлкін қайтарды. Бұл туралы сыбайлас жемқорлыққа қарсы қызметтің ресми өкілі Арман Тілеукенов айтты.
Ведомство өкілінің айтуынша, қазір Сатыбалдадан тәркіленген мүліктің барлығы мемлекет меншігіне өткен. Олардың жалпы құны 650 миллиард теңгеден асады.
Жалпы, Сыбайлас жемқорлыққа қарсы қызмет барлық қылмыстық істерді тергеу аясында соңғы екі жылда мемлекетке 912 миллиард теңге қайтарған.
Сондай-ақ оның салықтан жалтарды деген күдікке ілінгенін айтылды.
Айта кетейік, Қайрат Сатыбалды 2022 жылы наурызда қамалды. Оған «Алдау немесе сенімге кіру арқылы мүліктік зиян келтіру» және «Сеніп тапсырылған мүлікті иемдену немесе ұрлау» баптары бойынша айып тағылды. Оған тағылған айып «Қазақтелеком» және «Көлік сервис орталығы» компанияларымен байланысты. Ол аталған компаниялардың ірі көлемдегі қаржысын жымқырды деген күдікке ілінген. 2022 жылы қыркүйекте сот оны алты жылға бас бостандығынан айырды. Ол қауіпсіздігі орташа колонияға жіберілген.