Данияр Елеусінов немесе Асланбек Шымбергенов: Париж Олимпиадасына кім қатысады?
Биыл Париж төрінде өтетін Олимпиада ойындарында 71 келіде ел намысын қорғайтын боксшы кім?
Кейінгі кезде әлеуметтік желіде бокстан Олимпиада чемпионы Данияр Елеусіновтің әуесқой боксқа қайта оралып, Париж Олимпиадасына қатысуы мүмкін екені жиі айтылып жүр. Данияр да жеке парақшасында жуырда өзінің боксқа қайтып оралуына қатысты жаңалық болатынын айтқан еді. Ал оның салмағында ел намысын қорғап жүрген 71 келідегі Асланбек Шымбергенов қайтпек? Төрт құрлықтың басты додасына жолдама тарататын лицензиялық турнирге кім бармақ? Осы орайда Bassport.kz тілшісі Бокс федерациясының баспасөз хатшысы Аян Төлегенге хабарласып, осы сұрақтарға жауап алды.