Мәжіліс депутаттары қостанайлық кеншілердің мәселесін талқылады
Мәжілісмендер жұмыс сапары барысында «Качар Руда» АҚ қызметкерлерімен және кәсіподақ белсенділерімен де кездесті.
Қостанай облысындағы сайлаушылармен Мәжіліс депутаттары Альберт Рау, Екатерина Смышляева, Берік Бейсенғалиев және Еркін Әбіл кездесу өткізіп жатыр. Олар облыстың шалғай ауылдарын аралап, халықпен жүздесіп, жеке мәселелері бойынша азаматтарды қабылдап, «АМАNАТ» партиясының сайлауалды бағдарламасының жергілікті жерлерде орындалу барысын бақылап жүр.
Альберт Рау мен Екатерина Смышляева Рудный қаласындағы «Соколовская» кенішінде болды.
Кеншілермен әңгімелесу барысында мәжілісмендер қауіпті еңбек жағдайында жұмыс істейтін адамдарды әлеуметтік қорғау мәселелерін қарастыратын жаңа заңға тоқталды.
Мәжілістің вице-спикері Альберт Раудың айтуынша, енді зиянды өндірісте жұмыс істейтін қызметкер 55 жасқа толғанда еңбек шартын бұзуға және 63 жаста зейнетке шыққанға дейін арнайы төлемдер алуға құқылы. Барлығы 4 төлем бар, олар әртүрлі көзден қаржыландырылады. Төлемдерге табыс салығы салынбайды.
55 жаста зейнетке шығу және қажетті төлемдерді алу үшін қызметкер жұмыс берушіге 55 жасқа толуына байланысты еңбек шартын бұзатындығы туралы өтініш беруі керек. Бұл ретте кемінде 7 жыл міндетті кәсіптік зейнетақы жарналары болуы қажет.
Жеті күн ішінде жұмыс беруші мен сақтандыру компаниясы Мемлекеттік корпорацияның есеп айырысу шотына ең төменгі күнкөріс деңгейін аударуға тиіс. Сол шотқа жинақтаушы зейнетақы қоры мен республикалық бюджет төлемдері түседі. Яғни, барлық сома бір күнде аударылады. Барлығы тікелей «Мемлекеттік корпорация» КЕАҚ арқылы төленетін болады.
Қызметкер 63 жасқа толғаннан кейін зейнетақы қорынан төленетін төлемдерге базалық және ынтымақты зейнетақы қосылады, ал республикалық бюджеттен, жұмыс берушілер мен сақтандыру компанияларынан төлемдер тоқтатылады. Айтпақшы, егер қызметкер өзін жақсы сезінсе, ол өндірісте жұмысын жалғастыра алады, оны жұмыстан шығаруға ешкімнің құқығы жоқ.
Сонымен қатар депутат еңбек міндеттерін орындау кезінде жазатайым оқиғалардан міндетті сақтандыру жүйесін жетілдіру бойынша стандарттар ұсынылды, деп қосты. Атап айтқанда, сақтандыру ұйымдарының жұмыс берушінің алдын алу және оңалту іс-шараларын жүргізуге жұмсаған шығындарын өтеуі – екі жағдайда да сақтандыру сыйлықақысы сомасының 6 пайызға дейінгі соммасын құрайтынын атап өтті.
Мәжілісмендер жұмыс сапары барысында «Качар Руда» АҚ қызметкерлерімен және кәсіподақ белсенділерімен де кездесті.