Таразда автобус жүргізушісі тұрақтағы 10 көлікті қағып өткен (ВИДЕО)
Жол апаты 4 қаңтар 10:45 шамасында Төле би көшесінде болған.
Таразда қоғамдық көлік тұрақта тұрған 10 автокөлікті қағып кетті. Оқиға салдарынан автобус салонында отырған 56 жастағы жолаушы зардап шекті, деп хабарлады turkystan.kz Жамбыл облысының полиция департаментіне сілтеме жасап.
Жол апаты 4 қаңтар 10:45 шамасында Төле би көшесінде болған.
№56 автобустың 33 жастағы жүргізушісі рөлге ие бола алмай, жолдың қарсы бетіне шығып кетіп, тұрақта тұрған 10 автокөлікпен соқтығысқан.
Автобус жүргізушісіне қатысты Қылмыстық кодекстің 345-бабы (Көлiк басқаратын адамдардың жол жүрісі немесе көлiк пайдалану қағидаларын бұзуы) бойынша сотқа дейінгі тергеу басталды. Қажетті сараптамалар жасалады.