Үкімет басшысы жаңа жайлы мектептер құрылысының сапасын мұқият қадағалауды тапсырды
Бүгінгі таңда 217 мектеп бойынша белсенді жұмыс жүріп жатыр
Үкіметте ҚР Премьер-министрі Әлихан Смайыловтың төрағалығымен өткен кеңесте «Жайлы мектеп» ұлттық жобасын іске асыру барысы қаралды, деп хабарлады turkystan.kz.
Кеңеске қатысушылар жаңа білім ордаларын жобалау және салу, оларды заманауи жабдықтармен және жиһазбен жарақтандыру, мемлекеттік сараптама жүргізу, қаржыландыру және басқа да бірқатар мәселені талқылады.
Әлихан Смайыловтың айтуынша, уәкілетті мемлекеттік органдар мен ұйымдар жұмыстардың орындалу сапасын мұқият қадағалап, нысандардың бағасын негізсіз көтеруге жол бермеуі тиіс. Мектептерді белгіленген мерзімде тапсыру қажет.