13 аспапта ойнайтын Ерасыл Мұсаев: Домбыраны мектепте арнайы пән етіп бекітсе...

Атыраулық Ерасыл Мұсаевтың музыкаға деген қызығушылығы мектеп қабырғасында жүргенде басталған. Он жасында қазақтың ұлттық аспабы домбырадан бастап, кейіннен барлық саз аспабын меңгеріп алған. Бүгінде ол – 13 аспапта еркін ойнайтын мультиинструменталист және ізінен ерген өнерлі оқушылары бар ұстаз.

Жастайынан жаны өнерге құмар жігіт 17 жасында-ақ еңбекке араласып кеткен. 2018 жылы Орал қаласының Ғ.Құрманғалиев атындағы облыстық филармониясындағы оркестрде, Жастар мәдениет үйінде «Алаш» этно-фольклорлық ансамблінде бас домбырашы болған.

22 жастағы вертуоз әзірге домбыра, гитара, фортепиано, шертер, прима-домбыра, бас-домбыра, жетіген, саз сырнай, сыбызғы, ишқурай, шаңқобыз, контрабас, бас гитараны емір-еркін тарта алады.

Оның айтуынша, бір аспапты меңгеріп алуға бірнеше сағат немесе күн кетсе, енді бір аспаптарды зерттеп, үйренгенше бірнеше ай қажет.

Ерасыл қазір қылқобыз тартуды үйреніп жүр, ал болашақта скрипканы меңгеруге де ден қоймақшы.

Қазір ол Мақат ауданындағы өнер мектебінде 3 жылдан бері мұғалім болып қызмет атқарады. Аз уақыт ішінде ол 50-ден аса шәкірт оқытып, еліміздегі алғашқы орта мектептегі ансамбльді құрған. Ұлтжанды әрі өнерлі шәкірттер тәрбиелеп өсіруді мақсат ететін айтты.

Ерасыл ел арасында өзін орындаушы ретінде емес, кітап авторы ретінде танылғысы келетінін айтып өтті. Жақында «Домбыра әліппесі» кітабын жазып шыққан.