«Гипноздап тастаған»: шымкенттік қариялар алаяққа алданып қалды
Қала тұрғындары есін жинаған бойда дереу полицияға хабарласқан.
Шымкенттік қариялар гипноздың әсерінен алаяққа бар жиған-тергенін берген, деп хабарлады turkystan.kz.
Polisia.kz сайтының мәліметінше, алаяқтықтың құрбандары 73 және 68 жастағы жергілікті тұрғындар болып шықты.
Қала тұрғындары есін жинаған бойда дереу полицияға хабарласып, болған жайды жеткізді.
Жәбірленушілердің айтуынша, күдікті гипнозды қолданған. Өйткені олардың өздері мұндай алаяқтыққа қалай түскенін түсінбейді.
Ол өзінің құрбандарын тек егде жастағы, сенгіш азаматтардың арасынан таңдап алған.