Ұшақтың апатты есігін ашқан: жолаушы полицияға тапсырылды (ВИДЕО)

Жолаушы тәртіп сақшыларына тапсырылды

Ұшақтың апатты жағдайға арналған қосалқы есігін негізсіз ашқан жолаушы Алматы полициясына тапсырылды, деп жазады turkystan.kz.

«Қазіргі уақытта әлеуметтік желілерде жолаушы ұшақтың апаттық есігін өздігінен ашып жатқан видео таралып жатыр. Осыған байланысты Азаматтық авиация комитеті келесіні хабарлайды: 2023 жылғы 23 желтоқсанда «Шымкент – Алматы» бағыты бойынша FlyArystan әуе компаниясының КС7106 рейсі жергілікті уақыт бойынша сағат 01:19-да қонғаннан кейін жолаушы апаттық есікті ашты. Борт тексеріліп, ұшуларды орындауға рұқсат етілді. Жолаушы шара қолдану үшін Ішкі істер министрлігі қызметкерлеріне тапсырылды», - делінген Азаматтық авиация комитетінде.

Жағдайдың мән-жайын анықтау үшін Қазақстанның авиация әкімшілігі тиісті тексеру жүргізеді.

Тексеру есікті өз бетімен ашқан жолаушыға да, автотрап беруге жауапты әуежай қызметтеріне де қатысты жүргізіледі.