Ақтөбе 12 жастағы оқушы мектепте көз жұмды

12 жастағы бала құлағанда мойнымен үстелдің ұшына соғылған

Ақтөбе қаласындағы мектепте оқушы құлап, көз жұмды, деп хабарлады turkystan.kz Kazinform агенттігіне сілтеме жасап.

Бұл туралы Ақтөбе облыстық Денсаулық сақтау басқармасы хабарлады.

Басқарма басшысы Рүстем Исаевтың айтуынша, 12 жастағы бала құлағанда мойнымен үстелдің ұшына соғылған.

«Бала тыныстамай қалған. Бірден облыстық клиникалық ауруханаға жеткізілді. Ес-түссіз болды. Жансақтау бөлімінде баланың өмірін сақтап қалу үшін дәрігерлер бар күшін салды. Бірақ ештеңе өнбеді. Сағат 11:25-те биологиялық өлім тіркелді», - деп хабарлады Ақтөбе облыстық Денсаулық сақтау басқармасының басшысы Рүстем Исаев.

Айта кетейік, 7-сынып оқушысы қаладағы №27 мектепте білім алған.