Астаналық еріктілер аязды күндері ыстық шай мен бауырсақ таратты
Тәуелсіздік күні қарсаңында елордада «10 игі іс» ұранымен әлеуметтік қайырымдылық іс-шаралары өтіп жатыр.
Аязға және ауа райының нашарлауына байланысты елордалық еріктілер қала тұрғындарына ыстық шай мен бауырсақ таратты. Олар аялдама кешендерін аралап, кондукторларға, жүргізушілер мен жолаушыларға тәтті дәмділер ұсынды, деп хабарлады Turkystan.kz Астана әкімдігінің ресми сайтына сілтеме жасап.
Қазақстанның Тәуелсіздік күні қарсаңында елордада «10 игі іс» ұранымен әлеуметтік қайырымдылық іс-шаралары өтіп жатыр. Басты мақсат – қала мен оның тұрғындары үшін игі іс жасау.
Мәселен, аязды күндері еріктілер өтіп бара жатқан адамдарға ыстық шай мен бауырсақ ұсынды.
Еріктілер сонымен қатар автокөлік иелерін кішкентай балалары бар әйелдерді тегін тасымалдауға шақырды.
Қала тұрғындары эстафетаға қосыла алады және ізгілік акциясы аясында өз аккаунттарында #Мейірімболуәдет, #Мейірімділікөмір #сәнқой мейірімді хэштегімен ақпарат немесе видео жариялай алады.
