Риддерде төтенше жағдай: үйлерді су басты
Мұздан тазарту және өзен арнасына қарай еңіс жасау үшін арнайы техника тартылды.
Риддердегі Хариузовка өзенінің арнасында мұз қатуынан су деңгейі көтеріліп, салдарынан 8 желтоқсан күні Киров көшесі, Өскемен бұрылысы мен Хариузовский бұрылысындағы жеке сектордың 4 ауласы мен Киров көшесіндегі 2 жер үйді су басты.
Қала әкімдігі мен облыстық ТЖД құтқарушылары аула аумақтары мен үйлерден суды сорып шығару үшін мотопомпаларды іске қосты. Мұздан тазарту және өзен арнасына қарай еңіс жасау үшін арнайы техника тартылды.