Шымкент қаласына құйылған инвестиция көлемі 22%-ға артты
Шымкент қаласына алдағы 5 жылда инвестиция көлемін 6 трлн теңгеге жеткізу көзделген.
Шымкентке инвестиция тартып, халықты тұрақты жұмыс орындарымен қамту негізгі міндеттің бірі болып табылады. Осы ретте соңғы 4 жылда қала экономикасына 1,5 трлн теңге инвестиция тартылып, көлемі 3 есеге артқан, деп хабарлады turkystan.kz.
Енді меже Шымкент қаласына алдағы 5 жылда инвестиция көлемін 6 трлн теңгеге жеткізу көзделген.
Аталған жобалардың нәтижесінде 34 мыңнан аса жаңа жұмыс орны ашылмақ. Қала басшылығының алға қойған басты мақсаты - инвесторларға қолайлы жағдай жасап, қала экономикасын әртараптандыру. Қазіргі таңда бұл бағытта импорт алмастырушы және экспортқа бағытталған жобаларды жүзеге асыратын инвесторлармен тығыз жұмыс жүріп жатыр.
Биылғы 10 айда аймаққа тартылған қаражат көлемі 22%-ға өсті. Алдағы 5 жылда аймақтың инвестициялық тартымдылығын одан әрі арттыру көзделген.