Әкесі баласымен күніне тым болмағанда 30 минут сөйлесуі керек – «Әкелер одағының» басшысы
Бала тәрбиесіндегі ең маңызды мәселелердің бірі – бала тілін таба білу.
Бүгінде бала тәрбиесі заманның өзекті мәселесіне айналды. «Бала құнарлы топырақ секілді. Құнарлы топыраққа не ексең, сол шығады» деген даналарымыз. Сол секілді балаға қандай бағыт көрсетсең, ол соған бейімделіп, бет алады. Бала тәрбиелеудегі басты қағида қандай? Отбасы тәрбиесіндегі әкенің рөлі қандай? Әкелер күнінің маңызы қандай? Turkystan.kz тілшісі осы және өзге сұрақтарға жауап алу үшін «Әкелер одағы» республикалық қоғамдық бірлестігінің төрағасы Мақсұтбек Айтмағанбетпен сұхбаттасып, ұрпақ тәрбиесі жөнінде ой бөлісті.
Мақсұтбек Дүйсенбекұлы алдымен осыдан он шақты жыл бұрын құрылған «Әкелер одағы» бірлестігінің басты мақсатына тоқталды.
«Әкелер одағы» іске асырған бірқатар жоба бар. Оның бірі – «Саналы әке» жобасы.
«Әке – асқар тау», «Әке – балаға сыншы» дейді халқымыз. Осыдан-ақ қай заман болмасын, бала тәрбиесіндегі әкені рөлі зор болғанын аңғаруға болады.
Оның айтуынша, бала тәрбиесіндегі ең маңызды мәселелердің бірі – бала тілін таба білу.
Биыл 1 маусымда Ақпарат және қоғамдық даму министрлігінің бастамасымен мерекелік күндер тізімі «Аналар күні» және «Әкелер күнімен» толықты. М. Айтмағанбеттің пікірінше, әлдебіреулер мұны шетелге еліктеу деп қабылдаса да, аталған мерекенің берер әсері мол.
Сұхбат соңында ол жас әкелерге кеңес айтты.
Ал жас әкелерге бала тәрбиесімен уақытында айналысып, отбасына көңіл бөлуге кеңес беремін. Шынымен, баласына көп көңіл бөлген ата-ана бақытты деп ойлаймын. Әкесі баласымен күніне тым болмағанда 30 минут сөйлесуі керек. Осылай жиі сөйлесіп тұрса, бұл болашақта жақсы нәтижеге алып келеді. Бір қуантарлығы, қазір бала тәрбиесіне араласатын әкелердің қатары көбейген. Бұған дәлел – балаларын спортқа баулап, әр-түрлі секцияларға бірге келетін әкелердің көбеюі», – дейді ол.