«Менің пайдалы әдеттерім» марафоны жалғасып жатыр
Менің пайдалы әдеттерімнің бірі – көшедегі мысықтарды тамақтандыру
Психологтардың айтуынша, пайдалы әдеттерді 21 күнде қалыптастыруға болады. Ал «Жастар Рухы» Жастар қанаты пайдалы әдеттерді «дүйсенбіге» қалдырмай бүгіннен бастауға шақырады. Жастар қанаты «Менің пайдалы әдеттерім» марафонын жалғастырып жатыр.
Белсенділер, қоғам көшбасшылары әлеуметтік желіде жазбаларды бір-біріне жолдап, пайдалы әдеттерді қалыптастыруда. Осындай жазбалардың бірінде «AMANAT» партиясы Жетісу облыстық филиалы төрағасының орынбасары Досмұхамедов Асхат Сейденұлы жастарды спортпен шұғылданып, рухани дамуға шақырды.
Сондай-ақ қызылордалық Аруна Асылбек қараусыз қалған жануарларды тамақтандырып, қамқор болайық дейді.
Кейінгі кезде қан тапсырып, донор болуға ниетті адамдардың санының артқанын көріп жүрміз. Осыған байланысты шымкенттік Сағадат Бораш донор болу өмір сыйлаумен тең деп санайды.
Айта кетеміз, марафон басталғалы бері әлеуметтік желілерде онлайн марафонды қолдаушылар 1000-нан астам жазба жариялады.