Алматы метрополитенінде қосымша құрам желіге шығарылды
Әр құрам жалпы сыйымдылығы 900 адамнан асатын 4 вагоннан тұрады.
Жолаушылар ағынын сараптау нәтижесінде Алматы метрополитенінде жылжымалы құрам саны көбейтілді, деп хабарлады turkystan.kz қала әкімдігіне сілтеме жасап.
Енді қарбалас уақытта желіде 11 құрам 5 минут 38 секунд жиілікпен қызмет көрсететін болады.
Әр құрам жалпы сыйымдылығы 900 адамнан асатын 4 вагоннан тұрады.
Еске сала кетейік, Алматы метрополитені 2011 жылғы 1 желтоқсанда іске қосылды, қазіргі кезде 11 станса бар. Әрі қарай 4 стансаның құрылысы бойынша жұмыстар жүргізіліп жатыр.