Елге биыл қандай мамандар көп келді?

Биыл қаңтар–қыркүйекте Қазақстанға 19,1 мың адам келді. Бұл 2022 жылғы қаңтар–қыркүйекпен салыстырғанда бірден 74% көп, деп хабарлады turkystan.kz.

Ranking.kz сайтының мәліметінше, бұл ретте елден 12,7 мың тұрғын кеткен, бұл былтырғы сәйкес кезеңмен салыстырғанда 37,4% аз.

Көші-қон сальдосы оң: 6,4 мың адам.

Ең аз Қызылорда облысына көшіп келді, жыл басынан бері бар болғаны 19 адам келген болса, бір жыл бұрын көрсеткіш 12 адам болған.

15 жастан асқан еңбекке жарамды халықтың ішінде биыл ҚР-ға техникалық мамандық бойынша 2,8 мың адам, экономикалық мамандық бойынша 1,5 мың адам, педагогикалық мамандық бойынша 750 адам, медициналық мамандық бойынша 446 адам, заңгер мамандығы бойынша 421 адам, сәулет-құрылыс мамандығы бойынша 296 адам, ауыл шаруашылығы мамандығы бойынша 133 адам келді.

Биыл ҚР-ға келгендердің жартысына жуығы (48,9%) Ресейден: 9,4 мың адам – былтырғыдан бірден 3,2 есе көп. Екінші және үшінші орындарда Өзбекстан мен Түрікменстан. Одан кейін Қырғызстан мен Қытайдан да көп келді.

ҚР-дан кеткендер ең көп Ресейге кетті: 9,4 мың адам — былтырғыдан 43,4% аз. Одан кейін Германия, АҚШ, Польша және Беларусь.