«Мектепте бомба бар»: Атырауда жалған хабар берген тұрғын психиатриялық станционарға жатқызылды
27 жастағы қала тұрғыны «102» нөміріне мектептердің бірінде жарылғыш зат орнатылғандығы туралы жалған ақпарат берген.
Атырауда жалған хабар берген күдікті психиатриялық станционарға жатқызылды, деп хабарлады turkystan.kz.
Атырау қаласында 27 жастағы қала тұрғыны анасының ұялы телефоны арқылы «102» нөміріне мектептердің бірінде жарылғыш зат орнатылғандығы туралы жалған ақпарат берген.
27 жастағы азаматтың анасы заңды өкілі ретінде сот отырысында баласының ауыратынын, оқиға болған күні ауруханадан екпе алып, жай-күйі нашарлағанын айтқан. Сонымен қатар 27 жастағы азаматтың қайда телефон соққанын білмейтінін, бұрын да дәл осындай жағдай болғанын, аталған азаматқа амбулаториялық емдеуді тағайындауды сұраған.
Күдікті ҚР Қылмыстық кодекстің 273-бабында (Терроризм актiсi туралы көрiнеу жалған хабарлау) көзделген қылмыстық құқықбұзушылықты жасағаны үшін қылмыстық жауаптылықтан босатылып, оған Атырау облыстық психикалық денсаулық орталығының жалпы үлгідегі психиатриялық стационарда мәжбүрлеп емдеу тағайындалды.