Ғани Бейсембаев мектеп директорларына ескерту жасады
Министрге қайта-қайта педагогтерден әртүрлі арыз-шағымдар түскен.
Оқу-ағарту министрі Ғани Бейсембаев аппарат отырысында мектеп директорларына, Білім басқармасының, бөлімінің басшыларына ескерту жасады.
Бұл туралы ведомствоның Telegram-дағы ресми арнасы хабарлады.
Ғани Бейсембаевтің сөзінше, оған педагогтерден қайта-қайта түсініксіз есептерді жинауға, құжат айналымының ұлғаюына қатысты арыз-шағымдар келіп түсіп жатыр.