Президенттік олимпиада жеңімпаздарына 20 білім гранты мен шәкіртақы берілді
Олимпиада өткізілген 16 жыл ішінде 2500-ге жуық оқушыға өмірлік ұстаным, бағыт-бағдар айқындап берді.
Жаратылыстану-математика циклі пәндері бойынша XVI Президенттік олимпиаданың республикалық кезеңі аяқталды. Қазақстанның барлық өңірлерінен келген 198 оқушы өзара үздікті анықтады, деп хабарлады turkystan.kz.
Олимпиада қорытындысы бойынша 10 жеңімпаз ҚР Оқу-ағарту министрлігінің I дәрежелі дипломдары және алтын медальдарымен, 15 жүлдегер II дәрежелі дипломдары мен күміс медальдарымен және 27 қатысушы III дәрежелі дипломдары және қола медальдарымен марапатталды.
20 жеңімпазға оқуға білім беру гранттары табысталды: Х.Досмұхамедов атындағы Атырау университеті - 10, «Тұран» университеті - 3, Alikhan Bokeikhan University - 5, Өзбекәлі Жәнібеков атындағы Оңтүстік Қазақстан педагогикалық университеті - 2.
Сонымен қатар, академик Е. А. Бөкетов атындағы Қарағанды университеті олимпиаданың жеңімпаздары мен жүлдегерлері аталған оқу орнына түскен жағдайда арнайы шәкіртақы тағайындайтынын хабарлады.