"Кальмар ойыны": реалити-шоу қатысушылары Netflix пен продюсерлерді сотқа бермек

Netflix кейбір ойыншылардың медициналық көмекке жүгінгенін мойындайды, бірақ денсаулыққа қатты зиян келмегенін де айтып өтті.

Былтыр танымал болған "Кальмар ойыны" сериалының желісімен түсіріліп жатқан реалити-шоуға қатысушылар Netflix пен продюсерлерді сотқа бермек. Бұл туралы Guardian басылымы жазды.    Бас жүлде – 4,5 миллион долларға үміткер екі қатысушы стриминг сервисін "қызыл жарық, жасыл жарық" сынағын түсіру кезінде температураны реттемеді деп айыптайды. Павильонда -3 градус болған, ал қатысушылар байқау талабына сай ұзақ уақыт бойы бір орыннан қозғалмаған.     Netflix кейбір ойыншылардың медициналық көмекке жүгінгенін мойындайды, бірақ денсаулыққа қатты зиян келмегенін де айтып өтті.