Астананың 2035 жылға дейінгі бас жоспары таныстырылды

Бас шаһарды 2035 жылға дейін дамытуға 6,3 триллион теңге қажет.

Астананы дамытудың 2035 жылға дейінгі бас жоспары "Ашық НҚА" порталында жарияланды. Талқылау 8 желтоқсанға дейін жалғасады.

Астананың алдағы 12 жылға жоспары белгілі болды. 

"Астана қаласының мәслихаты бекіткен Астана қаласының 2035 жылға дейінгі бас жоспарының жобасы бекітілсін", – делінген үкімет қаулысының жобасында.

Бас жоспар жобаның келесі кезеңдерін қарастырады:

Анықтамалық жыл – 2021 жылғы 1 қаңтар; Құрылыстың бірінші кезеңі – 2025 жыл; Болжамды кезең – 2035 жыл.

"Алғашқы жылы қаланың әкімшілік шекарасындағы халық саны – 1 миллиард 184,4 мың адам. Елорда халқының болашақ саны ұлттық статистика агенттігінің әдістемесіне сәйкес халықтың табиғи және көші-қон қозғалысының өзгерістерін ескере отырып, корреляциялық және регрессиялық талдау, жас ауыстыру әдістері, статистикалық экстраполяция және еңбек балансы бойынша жүзеге асырылды. Халықтың болжамды саны еңбекке қабілетті халықты әлеуметтік-экономикалық қызметтің барлық салаларындағы қызметке оңтайлы қосуды ескере отырып, статистикалық экстраполяция арқылы анықталды", – делінген жобада.

Құжатқа сәйкес, қала тұрғындарының болжамды саны:

Құрылыстың бірінші кезеңі (2025 ж.) – 1 миллиард 480 мың адам; Болжамды кезең (2035 ж.) – 2 миллиард 275 мың адам.

"Халықтың жалпы болжамды өсімі жобалық кезеңдерге сәйкес болады.

Құрылыстың бірінші кезеңі (төрт жыл) – 295,6 мың адам; Болжамды кезең (10 жыл) – 795 мың адам.

Еңбекке қабілетті халық болжамды кезеңнің соңына қарай қала халқының 66 пайызына тең", – делінген құжатта.

Мектептердегі орындарды 257,4 мың орынға, ал балабақшалардағы орындарды 82,7 мың орынға ұлғайту көзделді.

Бас жоспарда ондаған емдеу мекемелерінің құрылысы да қарастырылған.

Құжат қаланың экономикалық, инновациялық-ғылыми, өндірістік және басқа да салаларын, сондай-ақ көлік инфрақұрылымын дамытуды қамтиды.