Боран, көктайғақ: Алдағы үш күнге арналған ауа райы болжамы жарияланды

Республика бойынша жел күшейеді.

Қазгидромет алдағы үш күнге арналған ауа райы болжамын жариялады, деп хабарлады turkystan.kz.

Синоптиктердің болжамынша, алдағы үш тәулікте еліміздің басым бөлігі белсенді циклонның әсерінен жаңбыр мен қар түрінде жауын-шашын болады. Сонымен қатар қатты жауын-шашын (жаңбыр, қар) 22 қарашада батыста, солтүстік-батыста, 22-23 қарашада оңтүстікте, оңтүстік-шығыста болады деп болжанған.

Республика бойынша 15-28 м/с жел күшейеді, солтүстік жартысында қарлы боран, көктайғақ болады.

Еліміздің батысында ауа температурасы төмендейді. Республиканың шығысында түнде температура көтеріледі. Қазақстанның қалған аумағында температуралық фонда айтарлықтай өзгеріс болмайды.