Елімізде 23 қарашада дабыл сиреналары іске қосылады

Іс-шара «Қыс-2023» республикалық командалық-штабтық оқу-жаттығуы аясында өткізіледі.

23 қарашада сағат 12:55-те (Астана уақыты бойынша) республика бойынша электр сиреналарын, сиреналық-сөйлеу құрылғыларын іске қосып, теле-радио хабарларын таратуды тоқтата отырып, құлақтандыру жүйесін тексеру жүргізіледі. Бұл туралы turkystan.kz Төтенше жағдайлар министрлігіне сілтеме жасап хабарлады.

Осы іс-шара «Қыс-2023» республикалық командалық-штабтық оқу-жаттығуы аясында өткізіледі.

Естеріңізге сала кетейік, төтенше жағдай орын алған кезде халықтың назарын аудару үшін электр сиреналар, сиреналық-сөйлеу құрылғылары немесе басқа да дабыл құралдары қосылады. Ол «Баршаның назарына!» бірыңғай құлақтандыру дабылын білдіреді.

«Бұл дабылды естіген кезде тұрғындар орын алған жағдай кезінде әрекет ету туралы мәліметтер мен нұсқаулар алу үшін қолжетімді ақпарат қабылдау құралдарын (телеарналар, радиолар, интернет сайттар, әлеуметтік желілер, мобильді құрылғыларға арналған қосымшалар және т.б.) дереу қосуы керек», – делінген хабарламада.

Төтенше жағдайлар министрлігі азаматтарды сабыр сақтап, үрейге бойалдырмауға кеңес береді.