Президент стратегиясының барлық бағыты елімізді жүйелі түрде жаңғыртуды көздейді – Ерлан Қарин

Мемлекеттік кеңесші Ерлан Қарин Мемлекет басшысының «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын ұсынғанына бір жыл толуына байланысты өз пікірін айтты. 

Сондай-ақ, ол үш апта бұрын алғаш рет өткізілген аудан және облыстық маңызы бар қала әкімдерінің сайлауына тоқталды. Оның айтуынша, еліміздің саяси жүйесін демократиялық жолмен өзгерту үдерісі үздіксіз жалғасып келеді.

Мемлекеттік кеңесші саяси және экономикалық реформалармен қатар әлеуметтік-гуманитарлық салада да маңызды реформалар жүзеге асырылатынын сөз етті.