Астанада Mega SilkWay сауда орталығының қоршауы әйелдің үстіне құлады
Аудан әкімдігінің баспасөз қызметі баннерді Mega SilkWay сауда орталығы орнатқанын хабарлады
Астанада Mega SilkWay сауда орталығы жанында қатты желдің екпінінен қоршау құлады. Салдарынан бір әйел №2 көпсалалы ауруханаға жеткізілді, деп хабарлады turkystan.kz Астана қаласы Есіл ауданы әкімдігінің баспасөз қызметіне сілтеме жасап.
Аудан әкімдігінің баспасөз қызметі баннерді Mega SilkWay сауда орталығы орнатқанын хабарлады.
Аудан әкімдігі астаналықтарды жарнамалық құрылымдарға, афишаларға жақын жерде абай болуға және мүмкіндігінше үйде болуға шақырды.
Сондай-ақ әлеуметтік желілерде қатты желден аударылған көліктер мен құлаған қасбеттердің фотосуреттері жариялануда.