Қазпошта мен Amazon ынтымақтастық орнатты
Қазпошта» «Amazon Web Services»-тің озық технологияларын пайдаланып, инновациялық АТ-шешімдерді енгізе алады, бизнес-процестерді автоматтандырып, жаңа өнімдері мен қызметтерінің нарыққа шығу уақытын қысқарта алады.
«Қазпошта» «Amazon Web Services»-пен ынтымақтастық орнатқаны туралы мәлімдеді, деп хабарлайды turkystan.kz «Қазпоштаның» баспасөз қызметіне сілтеме жасап.
«Amazon Web Services»-пен іскерлік серіктестік – бұл операцияларды оңтайландыру және қызметтер спектрін кеңейту бағытында бірегей мүмкіндіктер ұсынатын, «Қазпошта» АҚ-ның цифрлық трансформациясының негізгі кезеңі болмақ. «Қазпошта» «Amazon Web Services»-тің озық технологияларын пайдаланып, инновациялық АТ-шешімдерді енгізе алады, бизнес-процестерді автоматтандырып, жаңа өнімдері мен қызметтерінің нарыққа шығу уақытын қысқарта алады, – деп жазылған мәлімдемеде.
Еске сала кетейік, осы жылдың қыркүйек айында Мемлекет басшысы Қасым-Жомарт Тоқаевтың «Amazon» корпорациясының вице-президенті Сьюзан Пойнтермен кездесуі барысында, бұлтты технологияларды дамытудағы өзара тиімді ынтымақтастық мүмкіндіктері талқыланған еді.
Сол кезде ҚР Президенті: «елімізде цифрлық саланы одан әрі дамыту үшін, өз санатындағы үздік инфрақұрылымдық шешімдер қажет болатынын», - атап өткен еді. Осындай жоғары деңгейдегі кездесу «Amazon»-ның қазақстандық компаниялармен ынтымақтастықты нығайтуға мүдделі екенін айғақтайды.