Газа секторынан 92 Қазақстан азаматы эвакуацияланды
Олар отбасы мүшелерімен Мысыр аумағына өтті.
Бүгін эвакуацияның бірінші кезеңі аясында "Рафах" бақылау-өткізу пункті арқылы Газа секторынан 92 Қазақстан азаматы мен олардың отбасы мүшелері Мысыр аумағына өтті, деп хабарлады turkystan.kz Сыртқы істер министрлігіне сілтеме жасап.
Қазақстандық дипломаттар отандастарымызға барлық қажетті консулдық-құқықтық және психологиялық көмек көрсетті. Шекарадағы рәсімдерден кейін барлығы бір тізбекпен Каир қаласына шықты.
Газа секторынан шыққан қазақстандықтар Каирге аман-есен жеткеннен кейін оларға эвакуациялық борт жіберіледі.