Кентаудың бұрынғы әкімі қайтадан түрмеге қамалды
Ол былтыр аса ірі көлемде пара алғаны үшін 10 жылға сотталған еді.
Екі ай бұрын бостандыққа шыққан Кентау қаласының бұрынғы әкімі Дәурен Махажанов қайтадан түрмеге қамалды.
Алматы облыстық сотының аппелияциялық инстанциясы Кентау қаласының бұрынғы әкіміне қатысты жазаның өтелмеген бөлігін неғұрлым жеңіліне ауыстыру туралы Қонаев қалалық сотының бұрын шығарған қаулысының күшін жойды.
Айта кетейік, былтыр аса ірі көлемде пара алғаны үшін 10 жылға сотталған Кентаудың бұрынғы әкімі Дәурен Махажанов 8 қыркүйекте колониядан мерзімінен бұрын босатылғаны хабарланған болатын. Бұрынғы шенеуніктің жазасы өзгертіліп, түрмеде болу мерзімі екі есеге азайған болатын.