Мәжілісте шикізаттық емес тауарлардың экспортын ілгерілететін заң қабылданды
Заң жобасы Мемлекет басшысының Жолдауда айтқан тапсырмасын орындау үшін әзірленіп отыр
Бүгін Мәжілістің жалпы отырысында депутаттар Экспорттық-кредиттік агенттік және шикізаттық емес тауарлардың (жұмыстардың, көрсетілетін қызметтердің) экспортын ілгерілету мәселелері туралы заңды екінші оқылымда қабылдады.
Аталған тақырып бойынша Мәжіліс депутаты Руслан Қожасбаев баяндама жасады.
Руслан Қожасбаевтың айтуынша, заң жобасы шикізаттық емес секторға бағытталған. Бұл бір терезе қағидаты бойынша жұмыс істейді.
Сондай-ақ, ол агенттік бизнес өкілдеріне кепілдік беретінін, қолайлы пайызбен қаржыландыратынын атап өтті. Бұл заң жобасы арқылы бизнес өкілдерін сақтандыру және қайта сақтандырумен қатар пайыздық мөлшерлемелерді субсидиялау сияқты құралдар пайда болады. Экспорттық операцияларға кепілдік беріліп, экспорттық-кредиттік агенттік Қазақстаннан тыс жерлерде кепіл болады.