Шетелдік автокөліктерді заңдастыру: Желтоқсан айының соңына дейін автокөлікті тіркеп үлгеру қажет
2022 жылғы 1 қыркүйектен кейін әкелінген көлік құралдары заңдастырылмайды.
Ішкі істер министрлігі шетелдік автокөліктерді заңдастыруға 2 айдан аз уақыт қалғанын жариялады, деп хабарлады Turkystan.kz.
Министрлік 23 қаңтардан 30 маусымға дейін елімізге 2022 жылдың 1 қыркүйегіне дейін әкелінген шетелдік автокөліктерді заңдастыруға өтінім қабылдады. Осы өтінімдер 31-желтоқсанға дейін қаралады. Өтініш берген азаматтар көрсетілген мерзімге дейін құжаттарын реттеп, автокөліктерін тіркеп үлгеруі керек.
Басқарма басшысының орынбасары 2022 жылғы 1 қыркүйектен кейін әкелінген көлік құралдары заңдастырылмайтынын мәлімдеді. Сонымен қатар осыған дейін барлығы 237 мыңнан астам шетелдік автокөлік заңдастырылғанын жариялады.