Түркістандық оқушы жылыжайда ерекше гүл өсіреді
Ерекше гүл өсіретін оқушы
Түркістан облысы Келес ауданындағы №11 "Жолбасшы" жалпы орта мектебінің 9-сынып оқушысы Данабек Айкөркем үй гүлдерін өсірумен айналысады, деп хабарлады turkystan.kz Tengrinews.kz сайтына сілтеме жасап.
Жылыжайда қазіргі таңда 10-ға жуық үй гүлдерінің түрлерін баптап отырған дарынды оқушы биология пәні мұғалімінің жетекшілігімен арнайы зерттеу де жүргізіп жатыр.
Айкөркемнің айтуынша, гүл өсіру үшін кем дегенде үш-төрт ай, ал кейде жарты жыл уақыт қажет екен. Алдағы уақытта өз тәжірибесін достарымен бөлісіп, олардың да гүл өсіруге деген қызығушылығын арттырмақ.