Шымкентте 10 қазақстандықты алдаған интернет-алаяқ ұсталды
Ұсталған азамат уақытша ұстау изоляторына қамалды.
Шымкентте кибер полицейлер 10 қазақстандықты алдаған интернет-алаяқты ұстады, деп хабарлады turkystan.kz.
Полиция екі жергілікті тұрғынның алаяқтық туралы арызы бойынша тергеуді бастады.
Polisia.kz сайтының мәліметінше, зардап шеккендер Түркістан облысындағы шипажайлардың бірінде демалуды жоспарлап жүріп, интернеттегі жарнама арқылы өзін санаторий қызметкерімін деп таныстырған белгілі бір азаматпен байланысқа шыққанын жеткізді.
Тергеу барысында оның осыған ұқсас тағы сегіз қылмысқа қатысы бар екені анықталды.
Қылмыстық кодекстің 190-бабы бойынша тергеу амалдары жүргізіліп жатыр.