Ғалымдар жер сілкінісін болжайтын ғарыш аппаратын әзірлеп жатыр
Ғарыш аппараты Қазақстанның аумағын бір күнде 3 рет айналып, жер қабатындағы өзгерістерді тіркейді.
Отандық ғалымдар жер сілкінісін алдын ала болжайтын наноспутник әзірлеп жатыр, деп хабарлады turkystan.kz «Хабар 24» арнасына сілтеме жасап.
Салмағы 10 келіге жуық ғарыш аппараты Қазақстанның аумағын бір күнде 3 рет айналып, жер қабатындағы өзгерістерді тіркейді. Барлық деректер автоматты түрде әл-Фараби атындағы Қазақ ұлттық университеті жанындағы зерттеу орталығына келіп түседі. Ғалымдар наноспутникті екі жылда толық дайындап, ғарыш айлағына ұшырамыз деп отыр.