Бүкіләлемдік күрес ұйымы қазақ балуанын қазан айындағы үздік спортшы деп атады
Сұлтан Әсетұлы – бұл санатта əлем чемпионы атанған тұңғыш қазақ балуаны.
Бүкіләлемдік күрес ұйымы (United World Wrestling грек-рим күресі, еркін күрес және әйелдер күресінің халықаралық федерациясы) қазан айының қорытындысы бойынша үздік балуандарды анықтады, деп хабарлады turkystan.kz.
Ерлер арасында қазақ балуаны Сұлтан Әсетұлы грек-рим күресінен айдың үздік спортшысы атанды. Ол жуырда ғана Тиранада (Албания) өткен 23 жасқа дейінгі жастар арасындағы әлем чемпионатында 67 килоға дейінгі салмақта чемпион болды, жазды kaz.vesti.kz.
Сұлтан Әсетұлы бұл санатта əлем чемпионы атанған тұңғыш қазақ балуаны.
Әйелдер арасында америкалық Эмит Элор айдың үздік балуаны болды. Ол да жастар арасындағы әлем чемпионатында 72 килоға дейінгі салмақта топ жарған.