Бүгін Қазақстанда ауа райы қандай болады?

Қазақстан бойынша тұман, желдің күшеюі күтіледі.

"Қазгидромет" синоптиктері 2 қарашаға арналған ауа райы болжамын жариялады.

Ел аумағының басым бөлігінде Атлантикалық циклонның және онымен байланысты атмосфералық фронттардың ықпалымен ауа райының тұрақсыз сипаты сақталады, жауын-шашын (жаңбыр, қар), көктайғақ күтіледі.

Елдің батысында, солтүстік-батысында, оңтүстігінде антициклон жотасының әсерінен жауын-шашынсыз ауа райы күтіледі. Қазақстан бойынша тұман, желдің күшеюі, елдің оңтүстік-батысында шаңды дауыл болады деп болжануда.