Қытайда маймыл үш жасар қызды ұрлап кетті

Тұрғындардың қауіпсіздігін қамтамасыз ету үшін патрульдер жүретін болады.

Қытайдың Гуйчжоу провинциясында маймыл үш жасар қызды ұрлап кетті. Бұл туралы turkystan.kz Inbusiness.kz сайтына сілтеме жасап хабарлады.

Оқиға 21 қазанда болған. Бірер минутқа ағаштың астында қалған баланы маймыл ұрлап кеткен. Кейіннен полиция қызды табу үшін жақын маңның бәрін тінте бастады.

«Құқық қорғау органдары қыздың атын айқайлап, бәрін шулата бастады. Өз есімін естіген қыз таудан үн қатты. Бала жартастың жанында табылды, ал оның денесінде маймылдың саусақ ізіне ұқсас бірнеше сызаттар қалған деп мәлімдеді», – делінген хабарламада.

Партияның жергілікті филиалының хатшысы айтқандай, енді аймақта тұрғындардың қауіпсіздігін қамтамасыз ету үшін патрульдер жүретін болады.