5 күн бұрын жоғалып кеткен атыраулық ер адам табылды
Ол Айбас елді мекенінде мотоциклмен мал іздеуге шығып, қайтып оралмаған.
Аудандық полицейлер 5 күн бұрын жоғалып кеткен азаматты Батыс Қазақстан облысынан тапты, деп хабарлады turkystan.kz AtyrauPress сайтына сілтеме жасап.
28 қазан сағат 12:10 шамасында Исатай аудандық полиция бөлімінің 102 арнасына 1976 жылы туған аудан тұрғынының 3 күн бұрын Айбас елді мекенінде мотоциклмен мал іздеуге шығып, қайтып оралмағаны жөнінде хабарланған.
Исатай аудандық полиция бөлімі жедел тергеу тобының қызметкерлері іздестіру шараларын жүргізген.
Исатай аудандық полиция бөлімі жедел-тергеу тобының екі күнге созылған іздестіру шаралары нәтижесінде 30 қазан күні кинолог мамандар азаматтың Исатай ауданынан 270 шақырым жерде орналасқан Батыс Қазақстан облысы Жаңқала елді мекенінен аман-сау тапқан.