Қарағанды облысында сібір жарасын жұқтырған адам қайтыс болды
Денсаулық сақтау басқармасы 1948 жылғы пациент қайтыс болғанын мәлімдеді.
Қарағанды облысының Денсаулық сақтау басқармасы дәрігерлердің қабылдаған барлық шараларына қарамастан, сібір жарасын жұқтырып, жан сақтау бөлімінде жатқан 1948 жылғы пациент қайтыс болғанын мәлімдеді.
Сібір жарасын жұқтырған қалған екі пациенттің жағдайы тұрақты, дәрігерлердің үнемі бақылауында.
Еске салсақ, Қарағанды облысының Топар кентінде карантин жарияланды. Елді мекеннен сібір жарасы табылды. Кейін кентте тағы үш адамның осы дертті жұқтырғаны белгілі болды.